केटिएम हस्पिटालिटी शेयर निष्काशनको लागि निष्काशन तथा बिक्री प्रबन्धकमा आरविवि मर्चेन्ट बैकिङ्ग नियुक्त

काठमाडौं, १८ असार । केटिएम हस्पिटालिटी लिमिटेडको शेयर निष्काशनको लागि निष्काशन तथा बिक्री प्रबन्धकमा आरविवि मर्चेन्ट बैंकिङ लिमिटेड नियुक्त भएको छ ।

केटिएम ग्रुप होल्डिङ्गस अन्तर्गत संचालित ४५ करोड चुक्ता पुँजी रहेको केटिएम हस्पिटालिटी लिमिटेडले १२,५०,००,०००/– रकम बराबरले हुन आउने रु. १००/– का दरले १२,५०,०००/– कित्ता प्राथमिक शेयर निष्काशन गर्नको लागि मिति २०८२/०३/१८ गतेका दिन आरविवि मर्चेन्ट बैंकिङ्ग लिमिटेड तथा केटिएम हस्पिटालिटी लिमिटेड बीच सम्झौता सम्पन्न भयो । सर्वसाधारणमा जारी गर्नको लागि प्राथमिक शेयर निष्काशन तथा बिक्री प्रबन्धकमा आरविवि मर्चेन्ट बैकिङ्ग लिमिटेडलाई नियुक्त गरेको छ । श्री राष्ट्रिय बाणिज्य बैंक लिमिटेड को मुख्य कार्यालय, काठमाण्डौमा बैंकका प्रमुख कार्यकारी अधिकृत श्री देवेन्द्र रमण खनालज्यू को समुपस्थिति मा हस्ताक्षरित सो सम्झौता–पत्रमा केटिएम हस्पिटालिटी लिमिटेडको तर्फबाट अध्यक्ष तथा प्रमुख कार्यकारी श्री रामेश्वर शाहज्यू र आरविवि मर्चेन्ट बैकिङ्ग लिमिटेडको तर्फबाट प्रमुख कार्यकारी अधिकृत श्री बद्रि प्रसाद प्याकुरेलज्यूले हस्ताक्षर गर्नुभयो । केटिएम हस्पिटालिटी लिमिटेडले फ्रान्सको प्रतिष्ठित अन्तर्राष्ट्रिय लुभ्र होटल्स समूह अन्तर्गतको एक लक्जरी पाँच तारे रिसोर्ट द रोयल ट्युलिप चितवनमा सुरुवात गर्ने तयारी मा रहेको छ । आरविवि मर्चेन्ट बैकिङ्ग लिमिटेड श्री राष्ट्रिय वाणिज्य बैंक लिमिटेडको पुर्ण स्वामित्वमा संचालित संस्था हो ।