युवा क्रिकेटर सन्दिप लामिछाने सम्मानित

काठमाडौ । इन्डियन प्रिमियर लिग (आईपीएल) मा दिल्ली डेयरडेभिल्सबाट आफ्नो उच्च क्षमता प्रस्तुत गरेर मंगलबार आफ्नो भुमी नेपाल फर्किएका युवा क्रिकेटर सन्दिप लामिछाने “स्टाइलिस प्लेयर”का साथै “द युथ आइकन अफ नेपाल २०१८” बाट पनि सम्मानित भएका छन् । उक्त सम्मान केडिया अर्गनाइजेसन ग्रुपले एक लाख रुपैयाँ दिएर गरेको थियो ।
सो सम्मान कार्यक्रम आज बुधबार डीएभी स्कूलमा भएको थियो । कार्यक्रममा बोल्दै सन्दिपले विद्यार्थीहरुलाई पढाइसँगै आफूलाई भित्रैदेखि गर्न तथा खेल्न मन लागेका अन्य क्रियाकलापमा लगनसील भएर लाग्न सल्लाह दिए । यसमा आफु पनि सानैदेखि भारतमा भएको र क्रीकेट खेल्ने रहर एकदम भएको थियो र यो मेरो इच्छा नेपाल आएर पुरा गर्ने सपना थियो उनले भने र यस्तो सपना सबै जनाको हुन्छ राम्रो मान्छे बनेर आफ्नो देशका लागि केही गर्ने । त्यसका लागि आफुले मेहनत र संघर्ष भने गरिरहनुपर्छ र मेहनत गर्दा त्यसको उपलब्धी भने अबश्य मिल्छ’ सन्दिपले भने ।

साथै सन्दिपले आफूले गरेको कामका लागि सम्मान गरेकोमा आयोजक केडिया अर्गनाइजेसन, यति फ्लोरिङ र रिलायन्स ग्रुप लाई बिषेश धन्यवाद दिए ।