क्रेष्ट माइक्रो लाइफ इन्स्योरेन्सको शेयर नेप्सेमा सूचीकृत

काठमाडौं,२७ चैत । नेपाल स्टक एक्सचेञ्जमा क्रेष्ट माइक्रो लाइफ इन्स्योरेन्सको शेयर सूचीकृत भएको छ । कम्पनीको ७५ लाख कित्ता साधारण शेयर नेप्सेमा सूचीकृत भएको हो ।

कम्पनीले सर्वसाधारणका लागि निष्काशन गरेको २२ लाख ५० हजार कित्ता निष्कासन गरको थियो । त्यस्तै, संस्थापक शेयरधनीहरुले लगानी गरेको ५२ लाख ५० हजार कित्ता गरी कुल ७५ लाख कित्ता यस दिन नेप्सेमा सूचीकृत भएको हो ।

धितोपत्र सूचीकरण सम्झौता सम्पन्न भएको दोस्रो कारोबार दिनबाट कम्पनीको शेयर दोस्रो बजारमा कारोबार हुनेछ । भोली बिहीबारको स्पेशल प्रि ओपन सेसनमा कारोबार भएपश्चात नियमित बजारमा कारोबार हुनेछ ।

पहिलो कारोबारको लागि नेप्सेले कम्पनीलाई १०० रुपैयाँ ८६ पैसा देखि ३०२ रुपैयाँ ५८ पैसासम्मको ओपनिङ्ग रेञ्ज प्रदान गरेको छ । यसै रेञ्जका आधारमा भोलीको स्पेशल प्रि ओपन सेसनमा कम्पनीको शेयर कारोबार खुल्नेछ । कारोबारका लागि कम्पनीलाई सीआरईएसटी स्टक कोड प्रदान गरिएको छ ।