लोकतन्त्र र गणतन्त्रका नाममा लुट मच्चाइएको छ : रवि लामिछाने

काठमाडौं,१८ चैत्र । राष्ट्रिय स्वतन्त्र पार्टीका सभापति रवि लामिछानेले लोकतन्त्र र गणतन्त्रको नाममा अहिले लुटतन्त्र मच्चाइएको बताएका छन्। उनले बालाजुस्थित पार्टी कार्यालय पुगेर सोमबार उनले लुटतन्त्र मच्चाउनेविरुद्ध आफू कहिल्यै पछि नहट्ने बताए ।

लोकतन्त्र, गणतन्त्र र संघीय लोकतन्त्रिक गणतन्त्रको आडमा लुटतन्त्र मच्चाइ रहेकालाई खबरदारी गर्न म कहिल्यै पछि हट्दिनँ । म जुनसुकै शक्तिसँग पनि लड्न तयार छु ।

सभापति लामिछानेले न्यायका लागि आफू जुनसुकै तराजुमा तौलिन तयार रहेको उनको भनाइ छ । राजनीतिमा हुन्थेन भने मैले यति धेरै दुःख खेप्नुपर्ने थिएन । केही समय मलाई अझ विश्राम गर्न मन थियो । देशमा विकसित घटना क्रमले आफूलाई अघि सार्न बाध्य बनायो ।

उनले भने, संसदमा पनि प्रतिपक्षीहरूको प्रस्तुती फितलो भएको आरोप लगाए । सहकारी प्रकरणमा मुछिएपछि चितवनबाट निर्वाचित लामिछाने निलम्बनमा परेका छन्। । उनीविरुद्ध हाल काठमाडौं, पोखरा, रुपन्देही, चितवन र वीरगन्जमा सहकारीसम्बन्धी मुद्दा चलिरहेको छ । उनी सबै ठाउँबाट धरौटीमा रिहा भएका थिए । पछिल्ला दिन उनी राजनीतिमा सक्रिय थिएनन् ।