काठमाडौं फेरि बन्यो विश्वकै सर्वाधिक प्रदूषित सहर

काठमाडौं,१८ चैत्र । काठमाडौं सहर विश्वका बढी वायु प्रदूषित सहरमध्ये पहिलो स्थानमा परेको छ । आज काठमाडौंको एयर क्वालीटी इन्डेक्स (एक्यूआई) १९३ पुगेको छ । यसअघि पनि यस्तो मापनमा काठमाडौं उच्च प्रदुषित सहरमा परिसकेको छ । दोस्रो सर्वाधिक प्रदूषित सहरमा चीनको बुहान सहर रहेको छ । बुहानको एयर क्वालीटी इन्डेक्स (एक्यूआई) १५७ रहेको छ ।

त्यसैगरी, तेस्रो नम्बरमा थाइल्यान्डको चेंगमाई सहर छ । चेंगमाइको एयर क्वालिटी इन्डेक्स (एक्यूआई०)१५६ पुगेको छ । विश्व स्वास्थ्य संगठनको मापदण्ड अनुसार एक्यूआई ३५ भन्दा कम हुनुपर्छ । त्यसभन्दा माथिको गुणस्तर एक्यूआई अस्वस्थकर हुने चिकित्सकको भनाइ छ ।