एमालेले गणतन्त्रको पक्षमा देशभर आज जागरण सभा र र्याली गर्दै
काठमाडौं,१८ चैत । एमालेले गणतन्त्रको पक्षमा देशभर आज जागरण सभा र र्याली गर्दैछ । एमालेले सबै जिल्ला र सदरमुकाममा ऱ्याली र सभा गर्न परिपत्र गर्न जारी भएको एमालेका महासचिव शंकर पोखरेलले जानकारी दिए ।
केन्द्रले निर्देशन जारी गरेपछि लोकतान्त्रिक गणतन्त्रको पक्षमा दृढता प्रकट जिल्ला-जिल्लामा, सदरमुकाममा सभा र र्याली गर्न लागिएको एमाले रामेछापका सचिव प्रकाशकुमार कार्कीले जानकारी दिए ।
उनले भने, ‘यो प्रतिगमन विरुद्धको र्याली हो । गणतन्त्रको पक्षको यो अभियान चलिरहनेछ । सबै पार्टीहरु र नागरिक समाजलाई लोकतन्त्रको पक्षमा र पश्चगमनको दष्प्रयासका विरुद्ध गोलबन्द बनौं ।’
काठमाडौं उपत्यकामा भने संयुक्त रुपमा मोटरसाइकल र्यालीको आयोजना गरिएको छ । दिँउसो ४ बजे तिनकुनेमा मोटरसाइकल र्याली सुरु गर्ने छ । साथै, एमालेले आफू अनुकूल ठाउँमा सहभागी बन्न आग्रह गरेको छ ।
प्रतिक्रिया दिनुहोस्