धवल र रविन्द्रसहित ११ जनालाई राज्यविरुद्धको कसुरमा मुद्दा

काठमाडौँ,१७ चैत । प्रहरीले तीनकुने घटनापछि प्रक्राउ परेका राप्रपाका नेताद्धय रविन्द्र मिश्र र धवलशमशेर राणासहित ११ जनालाई म्याद थपका लागि अदालत लगेको छ । तीनकुने घटनामा पक्राउ परेकामध्ये ४१ जनालाई मुद्दा चलाउने निर्णयसहित प्रहरीले उनीहरुलाई आइतबार अदालत लगिएको हो ।

जिल्ला प्रहरी परिसर काठमाडौँ अनुसार ४१ मध्ये ११ जनालाई राज्यविरुद्धको कसुर र अरु बाँकीलाई अपराधिक उपद्रव र संगठित अपराधमा मुद्दा चलाउने प्रहरीको तयारी छ । प्रहरीले मिश्र र राणालाई राज्यविरुद्धको कसुरमा मुद्दा दर्ता गर्ने तयारी हो ।