विरोधकाबीच संसद् बैठक चलाउने तयारीमा सभामुख
काठमाडौं,१७ चैत । प्रमुख प्रतिपक्षी दलहरूको विरोधकाबीच संसद् चलाउने तयारी गरिएको छ । सभामुख देवराज घिमिरेले प्रधानमन्त्री केपी शर्मा ओलीको लामो छलफलपछि बैठक अवरोधकैबीचमा पनि अघि बढाउने तयारी गरेका हुन् ।
संसद् सचिवालय स्रोतका अनुसार, आइतबार विपक्षीहरूको निरन्तर अवरोधपछि संसद् बैठक पटक पटक सरेको छ ।
बिहान ११ बजेका लागि बोलाइएको बैठक सूचना टाँस गरेर समय सार्दै आइरहेको छ । आजमात्रै संसद् सचिवालयले तीनवटा सूचना जारी गरिसकेको छ ।
गत १३ चैतबाट अवरुद्ध बैठक नचल्दा संसदलाई अध्यादेश प्रतिस्थापन विधेयक पारित गराउन सकस हुने देखिएपछि प्रधानमन्त्री ओलीले संसद्मा अघि बढ्न सभामुखलाई निर्देशन दिएका हुन् ।
प्रतिपक्षी दलहरूले संसद्मा प्रधानमन्त्रीले विद्युत् प्राधिकरणको कार्यकारी निर्देशक कुलमान घिसिङलाई हटाउनुको कारण प्रधानमन्त्रीले संसद्लाई जानकारी गराउनुपर्ने विपक्षीहरूल बताउँदै आएका छन् ।
प्रतिक्रिया दिनुहोस्