प्रदर्शनकारी अराजक बन्दै, आन्दोलनका कमान्डर दुर्गा प्रसाईं प्रदर्शनस्थलबाट निस्किए

काठमाडौं,१५ चैत । राजसंस्था पुनस्र्थापना आन्दोलनका कमान्डर रहेका दुर्गा प्रसाई गाडीमा चढेर तीनकुनेबाट निस्किएका छन् । प्रदर्शनकारीलाई हौस्याउन तीनकुनेको बसेका उनलाई लिन गाडी आएको थियो ।

प्रसाई भने प्रदर्शनस्थल तीनकुनेबाट बीएबी ४२०८ नम्बरको गाडीमा चढेर निस्किएका छन् ।

तीनकुनेमा राजावादी प्रदर्शनकारी अराजक बन्दै जाँदा सुरक्षाकर्मीले स्थिति नियन्त्रणमा लिन प्रयास गरिरहेको छ ।

झडपको क्रममा निजी घरमा भएको आगजनी भने नियन्त्रणमा आइसकेको छ ।