राष्ट्रिय जीवन बिमा कम्पनीले बोलायो वार्षिक साधारण सभा

काठमाडौं,११ चैत । राष्ट्रिय जीवन बिमा कम्पनीले वैशाख ३ गते वार्षिक साधारण सभा बोलाएको छ । सभा कम्पनीको प्रधान कार्यालय, रामशाह पथ काठमाडौंमा अपरान्ह ४ बजे सुरु हुनेछ । कम्पनीले लाभांश बिनानै वार्षिक साधारण सभा गर्ने भएको हो ।

सभामा कम्पनीले सञ्चालक समितिले स्वीकृत गरेको पुँजी वृद्धिको योजनालाई अनुमोदन गर्ने एजेन्डा छ यस्तै, कम्पनीको प्रबन्धपत्र र नियमावलीमा समयानुकूल संशोधनसमेतका कार्य गर्न र गराउन सञ्चालक समितिलाई अख्तियारी प्रदान गर्ने विशेष प्रस्ताव पनि छ ।

सभामा आर्थिक वर्ष २०६९/७०, २०७०/७१, २०७१/७२, २०७२/७३ र २०७३/७४ को वार्षिक प्रतिवेदन उपर छलफल गर्ने एजेन्डा छ । त्यसैगरी, सभामा आर्थिक वर्ष २०७६९७७ देखि २०७८९७९ सम्मको लेखापरीक्षण गर्न महालेखा परीक्षकको कार्यालयको परामर्शमा सञ्चालक समितिबाट नियुक्त भएका बाह्य लेखापरीक्षकद्वय सुवास पौडेल र विजय सिंह पराजुलीको नियुक्ति र निजहरुको पारिश्रमिक अनुमोदन गर्ने लगायत एजेन्डा रहेको छ ।