दोहोरो अंकले घट्यो नेप्से परिसूचक, कारोबार रकममा भने सुधार

काठमाडौं,६ चैत । बुधबार नेपाल स्टक एक्सचेञ्ज परिसूचक दोहोरो अंकले घटेको छ । आज बजार १४.८८ अंकले घटेर २ हजार ६८२.१५ विन्दुमा बन्द भएको हो ।

बजार घटे पनि आज कारोबार रकममा भने सामान्य सुधार आएको छ । आज नेप्सेमा ९५ लाख ८३ हजार कित्ता शेयर खरिद–विक्री हुँदा ५ अर्ब १४ करोड ३९ लाख रुपैयाँ बराबरको कारोबार भएको छ । बजारमा ५३ वटा कम्पनीको शेयर मूल्य बढ्दा १८३ वटा कम्पनीको मूल्य घटेको छ भने ७ वटा कम्पनीको मूल्य स्थिर रहेको छ ।

बुधबारको कारोबारमा मिथिला लघुवित्त वित्तीय संस्थाको शेयर मूल्य सर्किट लेभलमा बढेको छ । त्यस्तै, हिमालयन रिइन्स्योरेन्सको सर्वाधिक कारोबार भएको छ । हिमालयनको २९ करोड ६७ लाख रुपैयाँ बराबरको शेयर कारोबार भएको नेप्सेले जनाएको हो ।