ग्रीन डेभलपमेन्ट बैंकले बोलायो वार्षिक साधारण सभा
काठमाडौं,६ चैत । ग्रीन डेभलपमेन्ट चैत २७ गते १२ औं वार्षिका साधारण सभा बोलाएको छ । सभा होटल पिस प्यालेस, हरिशंकर रोड बाग्लुङमा बिहान ११ बजेबाट सुरु हुनेछ ।
सभामा बैंकले गत वर्षको नाफाबाट ५.७५ प्रतिशत बोनस सेयर र कर तिर्न ०.३० प्रतिशत नगद लाभांशवितरण गर्ने प्रस्ताव पेश गर्नेछ ।
त्यस्तै, बोनस सेयर वितरणपश्चात कायम चुक्ता पुँजीबाट १ः १.१०७१ अनुपातमा हकप्रद सेयर जारी गर्ने विशेष प्रस्ताव पारित गर्नेछ । सभामा आर्थिक वर्ष २०८०/८१ को वार्षिक प्रतिवेदन, नाफानोक्सान हिसाब, नगद प्रवाह लगायत वित्तीय अनुसूचीहरु छलफल गरी पारित गर्ने एजेन्डा रहेको छ ।
सभाबाट सञ्चालक समितिमा प्रतिनिधित्व गर्न सर्वसाधारण समूहबाट २ जना सञ्चालकहरुको नियुक्ति अनुमोदन गर्ने प्रस्ताव पनि छ । साथै, कुनै बैंक तथा वित्तीय संस्थासँग मर्जर वा एक्विजिसन गर्नुपरेमा सम्पूर्ण कामको अख्तियारी सञ्चालक समितिलाई प्रदान गर्ने प्रस्ताव पेश हुनेछ ।
सभा प्रयोजनका लागि बैंकले चैत १६ गते बुक क्लोज गर्ने भएको छ । चैत १४ गतेसम्म कायम रहने सेयरधनीले मात्र सभामा भाग लिन र लाभांश पाउन सक्नेछन् ।
प्रतिक्रिया दिनुहोस्