कांग्रेसको मिसन रोजगारी अभियान आजदेखि सुरु
काठमाडौं, २५ फागनु। नेपाली कांग्रेसले आजदेखि ‘मिसन रोजगारी अभियान सुरु गर्ने भएको छ ।
दुई महामन्त्री गगन थापा र विश्वप्रकाश शर्माले ‘राजनीतिक विमर्शको केन्द्रमा रोजगार सरकारको प्राथमिकतामा रोजगार’ भन्ने लक्ष्यका साथ ‘मिसन रोजगारी’ अभियान सञ्चालन सुरु गर्न लागेका हुन् ।
रोजगारी सिर्जना गर्न सकिने माध्यम, क्षेत्र, नीतिगत अवस्थालगायतमा वर्षभरी नै छलफल बहस हुने उनीहरुले भनाइ छ । रोजगारी सिर्जना गर्ने उद्देश्यले यस्तो बहस गर्न लागिएको नेपाली काँग्रेसले जनाएको छ ।
एक वर्षसम्म सञ्चालन हुने यो अभियानको आज दिउँसो १ बजे पार्टी केन्द्रीय कार्यालय सानेपामा औपचारिक रुपमा सुरु हुँदैछ ।
‘अब रोजगारका कुरा गरौं’ विषयमा गोलमेच छलफल सञ्चालन गरेर अभियानको सुरु गर्न लागिएको पाटीृले जनाएको छ । यो अभियानले नागरिकलाई रोजगारको सहभागि बनाउन मद्दत पुग्ने विश्वमस लिएको छ ।
प्रतिक्रिया दिनुहोस्