गाेल गरेपनि रियाल मड्रिड तेस्रो स्थानमै रोकियो

काठमाडौं । स्पेनिस ला लिगा फुटबलमा डिफेन्डिङ च्याम्पियन रियाल मड्रिड तेस्रो स्थानमै रोकिएको छ । लिगको अन्तिम खेलमा रियालले भिल्लारियलसंग २–२ गोलको बराबरी खेलेपछि तेस्रो स्थानमै रहेर लिग सकाएको हो ।

यो बराबरीले च्याम्पियन्स लिगको फाइनलमा लिभरपुलविरुद्धको तयारी भने नराम्रो भएको स्पष्ट भएको छ । रियालका लागि ग्यारेथ बेल र क्रिष्टियानो रोनाल्डोले गोल गरे ।

तर २–० को अग्रता समेत बचाउन नसकेर रियालले बराबरीमा चित्त बुझाउनु दुःखद बनेको छ । भिल्लारियलका लागि रोजर मार्टिनेज र सामुएल कास्टिलेजोले १–१ गोल गरे ।

रियाल मड्रिडले ७६ अंकका साथ तेस्रो स्थानमा रह्यो । भिल्लारियलले पाँचौं स्थान हात पारेको छ ६१ अंकका साथ ।

एथलेटिको मड्रिडले एक खेल खेल्न बाँकी छँदै दोस्रो स्थान सुरक्षित गरेको छ ७८ अंकका साथ । ३७ खेलबाट ९० अंकसहित बार्सिलोनाले उपाधि जितिसकेको छ ।