अमेरिकामा हवाई जहाज र  सेनाको हेलिकप्टर आकाशमै ठोक्कियो

काठमाडौं,१७ माघ । अमेरिकामा यात्रु विमान र सेनाको ब्ल्याक हक हेलिकप्टर आकाशमै ठोक्किएका छन्।

जहाज वासिङ्टनस्थित रोनाल्ड रेगन वासिङटन नेशनल एयरपोर्टनजिक दुर्घटना भएको हो ।

स्थानीय समयअनुसार बिहीबार राति ९ बजे ६० यात्रु सवार अमेरिकन एयरलाइन्सको जहाज सेनाको हेलिकप्टरसँग आकाशमै ठोक्किएको समाचार संस्था रोयटर्सले जनाएको छ ।

सो जहाज पोटोम्याक नदीनजिक दुर्घटना भएको र धेरै मानिसहरूलाई नदीबाट बाहिर निकालिएको छ । अहिलेसम्म कतिजनाको मृत्यु र कति घाइते भयो भन्ने यकिन संख्या खुलिसकेको छैन ।

अमेरिकन एयरलाइन्सले जहाजमा ६० जना यात्रु र चार जना चालक दलका चार सदस्य रहेको जनाएको छ ।

उक्त घटनास्थलमा ठूलो संख्यामा प्रहरी, उद्धारकर्ता र एम्बुलेन्स परिचालन गरिएको छ ।
एजेन्सीको सहयोगमा