समाजवादी मोर्चाले माघ २४ गते काठमाडौंमा विरोधसभा गर्ने

काठमाडौं,१६ माघ । समाजवादी मोर्चाले माघ २४ गते काठमाडौंमा विरोधसभा आयोजना गर्ने भएको छ ।

आज नेकपा एकीकृत समाजवादीको कार्यालय, आलोकनगरमा बसेको मोर्चाको बैठकले सो निर्णय गरेको नेसपाका सहअध्यक्ष गंगानारायण श्रेष्ठले जानकारी दिए ।
माघ २४ गते काठमाडौंमा एउटा भव्य विरोध प्रदर्शनसहितको सभा गर्ने निर्णय भएको छ । प्रदर्शन भब्य र सभ्य हुने श्रेष्ठले बताए । चैतको पहिलो हप्ता मधेशमा जनसभा आयोजना गर्ने निर्णय भएको पनि उनले बताए ।

आजको बैठकमा मंगलबार काठमाडौंमा आयोजना गरिएको समाजवादी मोर्चाको सभाबारे पनि समीक्षा भएको उनले बताए । त्यस्तै, नेपाल समाजबादी पाटीसहित देशैभर मोर्चाको संगठन विस्तार गर्ने निर्णय पनि बैठकले गरेको पनि उनले बताए ।