जनकपुरमा ट्रकको ठक्करबाट पैदलयात्रीको मृत्यु

काठमाडौं,४ माघ । जनकपुरमा बालुवा लोड गरेको ट्रकले ठक्कर दिँदा पैदल यात्रीको मृत्यु भएको छ । मृत्यु हुनेमा पैदल यात्री महोत्तरी गाउँपालिका ५ बस्ने वर्ष ६० का सत्यनारायण साह हुन् ।

आज बिहान जनकपुरधाम उपमहानगरपालिका ७ मा बाटो काट्दै गरेका पैदल यात्री साहलाई ना ६ ख ४५३७ नम्बरको ट्रकले ठक्कर दिएको थियो । साहको घटनास्थलमै मृत्यु भएको जिल्ल प्रहरी कार्यलय, महोत्तरी जनाएको छ ।

ट्रक चालक धनुषाको मिथिला नगरपालिका ११ लालगढका ४१ वर्षीय शिव कुमार दमाईलाई प्रहरीले पक्राउ गरेको छ । घटना कसरी भयो भन्ने बारे प्रहरीले अनुसन्धान गरिरहेको छ ।