अहिलेको गठबन्धन सरकार अप्राकृतिक छ अब धेरै दिन चल्दैन : प्रचण्ड

काठमाडौं,२६ पुस । नेकपा माओवादी केन्द्रका अध्यक्ष पुष्पकमल दाहालले नेपाली कांग्रेस र नेकपा (एमाले) को गठबन्धन अप्राकृतिक रहेको भन्दै अब नचल्ने बताएका छन्।

आज सिंहदरबारमा नेकपा (एकीकृत समाजवादी) का अध्यक्ष माधवकुमार नेपालसँग छलफलपछि पत्रकारहरूको प्रश्नमा जबाफ दिँदै प्रमुख प्रतिपक्षी दलका नेतासमेत रहेका प्रचण्डले भने, “यो गठबन्धन अप्राकृतिक, अलोकतान्त्रिक र अपारदर्शी छ भन्ने कुरा मैले गम्भीर रूपले संसदमै र बाहिर पनि भनेको तपाईंहरूले सुन्नुभएकै छ । अब यो सरकार धेरै दिन चल्दैन ।”

यसका साथै अध्यक्ष दाहालले समाजवादी मोर्चालाई सक्रिय बनाउनेबारे बिहीबार र शुक्रबार छलफल गरिएको पनि बताए । समाजवादी मोर्चाको बैठक माघ २ गते बस्ने पनि अध्यक्ष दाहालको भनाइ छ ।