दोलखाबाट काठमाडौं आउँदै गरेको बस सिन्धुपाल्चोकमा दुर्घटना मानवीय क्षति भने भएन

काठमाडौं,२६ पुष । दोलखाबाट काठमाडौं आउँदै गरेको बस सिन्धुपाल्चोकको सुनकोशी गाउँपालिका-७ पाँचकिलोमा दुर्घटना भएको छ । जिल्ला प्रहरी कार्यालय सिन्धुपाल्चोकका अनुसार दुर्घटनामा दुईजना यात्रु सामान्य घाइते र कुनै मानवीय क्षति नभएको जनाएको छ ।

उक्त बसमा ४० जना यात्रुले सवारी गरेको थिए । चालकले बसको ब्रेक फेल भएर भित्तामा पल्टिएको प्रहरीलाई जानकारी दिएको छ । घटनाबारे थप अनुसन्धान भइरहेको प्रहरीले जनाएको छ । घटनाको बारेमा पुरा अनुसन्धानपछि मात्र के भएको हो बताउन सकिने पनि प्रहरीले जनाएको छ ।