सल्यानको सिस्नेपातल गाउँमा दुई दिदीबहिनी मृत फेला

काठमाडौं,२४ पुस । सल्यानको कुपिण्डे नगरपालिका–११, सिस्नेपातल भन्ने गाउँमा दिदीबहिनी नै घरभित्र मृत फेला परेका छन् ।

जिल्ला प्रहरी कार्यालय सल्यानका प्रहरी निरीक्षक बाबुराम बस्नेतका अनुसार बुधबार बिहान ३ वर्ष र ६ महिनाका दुई दिदीबहिनी मृत अवस्थामा फेला परेका हुन् ।

उनीहरूसँगै आमा पुर्णिमा राना र दुइ छोरीहरु सँगै घरमा बस्दै आएका थिए । बुवा टेकमान राना भने रोजगारीका लागि नुवाकोटमा बस्ने गरेको प्रहरी निरिक्षक बस्नेतले जानकारी दिए ।

घटना शंकास्पद देखिएको भएपनि अन्य विवरण खुलिनसकेको उनले बताए । घटना शंकास्पद जस्तो देखिन्छ । घटना कसरी भयो भन्नेबारे हामी अनुसन्धानमै छौं । बाँकी अनुसन्धान पछि थाहा लाग्ने उनले बताए ।