राष्ट्रिय स्वतन्त्र पार्टी केन्द्रीय समिति बैठक आज पनि बस्दै

काठमाडौं, २१ पुुस । हिजोदेखि जारी राष्ट्रिय स्वतन्त्र पार्टी (रास्वपा)को केन्द्रीय समिति बैठक आज पनि बस्दैछ । काठमाडौंस्थित स्वयम्भू स्टार ब्यांक्वेटमा जारी बैठकमा आज संविधान संशोधन, सहकारी अध्यादेश लगायतका विषयमा छलफल हुँदैछ ।

बैठकमा जलेश्वरको बैठक र राष्ट्रिय भेलामा प्रस्तुत सभापतिको राजनैतिक प्रतिवेदनहरुका आधारमा गर्नुपर्ने पार्टीको आगामी कार्यदिशा र कार्यक्रमबारे पनि छलफल हुने कार्यबहाक महामन्त्री कविन्द्र बुर्लाकोटीले जानकारी दिए ।

उनका अनुसार केन्द्रीय समिति, सल्लाहकार परिषद्, केन्द्रीय विभागलगायत पुनर्संरचना, पार्टीको बैठक संचालन कार्यविधि संशोधन र आचारसंहिताको विषयमा पनि छलफल हुनेछ ।

बैठक आजै समापन गरिने रास्वपाले जनाएको छ ।

बैठकको पहिलो दिन शनिबार समसामयिक राजनीतिक छलफलका साथै नेताहरुले रिपोर्टिङ गरेका थिए । स्थानीय तह उपनिर्वाचन र संगठनको समीक्षा र प्रदेश समन्वय संयन्त्रसम्बन्धी छलफल पनि भएको थियो । आज आगामी रणनीति र सहकारी अध्यादेश लगायत विष्मा छलफलले निकास दिने छ ।