रास्वपाको केन्द्रीय समिति बैठक आजदेखि सुरु

काठमाडौं, २० पस । राष्ट्रिय स्वतन्त्र पार्टी (रास्वपा) को केन्द्रीय समिति बैठक आजदेखि सुरु भएको छ ।

बैठक काठमाडौंस्थित स्वयम्भू स्टार ब्यांक्वेटमा बिहानदेखि सुरु भएको हो । आइतबारसम्म चल्ने बैठकमा समसामयिक राजनीतिक विषयका मुख्य एजेन्डा रहेको पार्टीले जनाएको छ ।

पहिलो दिन आज समसामयिक राजनीतिक छलफलका साथै नेताहरुले रिपोर्टिङ गर्ने, स्थानीय तह उपनिर्वाचन र संगठनको समीक्षा र प्रदेश समन्वय संयन्त्र समबन्धी छलफल हुनेछ ।

दोस्रो दिन आइतबार संविधान संशोधनको विषयका साथै जलेश्वरको बैठक र राष्ट्रिय भेलामा प्रस्तुत सभापतिको राजनैतिक प्रतिवेदनहरुका आधारमा गर्नुपर्ने पार्टीको आगामी कार्यदिशा र कार्यक्रमबारै छलफ हुने कार्यबहाक महामन्त्री कविन्द्र बुर्लाकोटीले जानकारी दिए ।

यसका साथै केन्द्रीय समिति, सल्लाहकार परिषद्, केन्द्रीय विभागलगायत पुनर्संरचना, पार्टीको बैठक संचालन कार्यविधि संशोधन र आचारसंहिता लगायतका विषयमा पनि छलफल हुने बुर्लाकोटीले जानकारी दिए ।