रवि लामिछानेसहित ४ जनालाई अदालत उपस्थित गराइयो, छविलाल जोशी बयान लिइदै

काठमाडौं,९ पुस । आज पूर्वगृहमन्त्री रवि लामिछानेसहित चार जनालाई जिल्ला अदालत कास्कीमा उपस्थित गराइएको छ ।

सहकारी ठगीमा प्रकरणमा मुद्दा दायर भएका रवि लामिछाने, छविलाल जोशी, लिला पछाई र रामबहादुर खनाललाई अदालत उपस्थित गराएको हो ।

चार जना मध्ये छविलाल जोशीको अहिले बयान भइरहेको छ । छविको बयान सकिएपछि अरु तीन जनाको सुरु हुने बताइएको छ ।

बहुचर्चित सहकारी ठगी प्रकरणको मुद्दा न्यायाधीश नीतिज राईको इजलासमा सोमबारदेखि बयान सुरू भएको हो ।

उनीहरूविरुद्ध सहकारी ठगीका साथै संगठित अपराध र सम्पत्ति शुद्धीकरणमा पनि मुद्दा चलाइएको छ ।