पोखराबाट घान्द्रुक जाँदै गरेको जिप दुर्घटना

काठमाडौं,४ पुस । कास्की जिल्लाको अन्नपूर्ण गाउँपालिका १० बतासेडाँडामा जिप दुर्घटना हुँदा पाँच जना घाइते भएका छन् ।

ग १ ज ६८२१ नम्बरको जिप आज दिउसो पौने ३ बजे दुर्घटना भएको कास्की प्रहरी बताएको हो ।

पोखराबाट घान्द्रुक जाँदै गरेको जिप सडकबाट करिब ६०० मिटर तल खसेको छ । जिपमा सवार भएका ७ जनामध्ये ५ जना घाइते भएको जिल्ला प्रहरी कार्यालय कास्कीका प्रवक्ता बसन्त कुमार शर्माले जानकारी दिए ।

घाइतेहरुलाई उपचारका लागि पोखरा ल्याइएको समेत कास्की प्रहरीले बताएको छ ।