रुकुमपूर्वमा भएको अटो रिक्सा दुर्घटनामा १ जनाको मृत्यु, ४ घाइते

काठमाडौं २६, मंसिर । रुकुमपूर्वको सिस्ने गाउँपालिका -६, खोपिचारमा गएराति अटो रिक्सा दुर्घटना हुँदा १ जनाको मृत्यु भएको छ । अबेर राति रुकुमकोटतर्फ आउँदै गरेको अटो रिक्सा दुर्घटनामा परी चालकसहित ४ जना घाइतेसमेत भएका छन् ।

लु प ०२००१ ह ०३५० नम्बर अटो रिक्सा दुर्घटना हुँदा सिस्ने गाउँपालिका -६ कि १२ वर्षीया बिष्णु बुढाको जिल्ला अस्पताल रुकुमपूर्वमा उपचार गर्ने क्रममै मृत्युको भएको जिल्ला प्रहरी कार्यालय रुकुमपूर्वले जानकारी दिएको छ ।

जिल्ला प्रहरी कार्यालय रुकुमपूर्वका सूचना अधिकारीका अनुसार अटो दुर्घटनामा एकको मृत्यु र चालकसहित ४ घाइते भएका छन् । घाइते हुनेमा एउटै घरका सुशिला बुढा, सुस्मिता बुढा, महेन्द्र बुढा र सो गाउँपालिकाको अटो चालक तोपबहादुर कार्की घाइते भएको बताएको छ ।

उक्त घटनामा गम्भिर घाइत भएका लाई रात्री नै उद्धार गरिएको छ, भने अन्य तीन जना घाइतेलाई जिल्ला अस्पतालमा उपचाररत रहेका छन् । प्रहरीका अनुसार अटो तीव्र गतिमा रहेको र अनियन्त्रित हुँदा दुर्घटना भएको हुनसक्ने प्रारम्भिक अनुमान छ । यस सम्बन्धमा प्रहरी टोलीले अनुसन्धान गरिरहेको जनाएको छ ।