कालिकोटको तिलागुफा नगरपालिका–४ को वडाध्यक्षमा नेपाल नेमकिपाका खड्गराज शाही निर्वाचित

काठमाडौं, १६ मंसिर। स्थानीय तहको उपनिर्वाचनको मतगणनाको परिणाम आएको छ । कालिकोटको तिलागुफा नगरपालिका–४ को वडाध्यक्षमा नेपाल मजदुर किसान पार्टी (नेमकिपा) का खड्गराज शाही निर्वाचित भएका छन् ।

उनले १४३ मत ल्याएर विजयी भएका हुन् । ०७९ को निर्वाचनमा नेकपा माओवादी केन्द्रका परबहादुर शाही निर्वाचित भएका थिए । उनको पहिरोमा परेर निधन भएसँगै उपनिर्वाचन भएको हो ।

त्यतिबेला नेमकिपाका उम्मेदवार दीपबहादुर शाही निकटतम प्रतिद्वन्द्वि थिए ।