नारायणगढ-मुग्लिन सडकखण्डको नौकिलोमा ट्रक दुर्घटनामा दुई जनाको मृत्यु
काठमाडौं, १० मंसिर। चितवनको नारायणगढ-मुग्लिन सडकखण्डको नौकिलो भन्ने स्थानमा आइतबार बेलुकी भएको ट्रक दुर्घटनामा दुई जनाको मृत्यु भएको छ । दुई जना घाइते भएका छन् ।
नारायणगढबाट मुग्लिङतर्फ जाँदै गरेको बागमती प्रदेश ०३(००१ ख ३४९० नम्बरको ट्रक आइतबार बेलुका पौने सात बजेतिर सडक किनारमा पल्टिएको थियो ।
चामल बोकेको सो ट्रक पल्टिँदा च्यापिएका मकवानपुरको मकवानपुरगढी गाउँपालिका(६ बस्ने ३८ वर्षीय श्याम बजगाईं र सोही ठाउँका ३१ वर्षीय दीपक दाहालको मृत्यु भएको प्रहरीले जनाएको छ ।
उनीहरु दुवै जनाको भरतपुर अस्पतालमा उपचारको क्रममा मृत्यु भएको हो । दुर्घटनामा घाइते भएका दुई जनाको सोही अस्पतालमा उपचार जारी छ ।
दुर्घटनापछि फरार ट्रक चालक दिनेश पुडासैनीलाई प्रहरीले पक्राउ गरेको छ ।
यसैगरी गत शनिबार चितवनको चित्रवन स्कुलका विद्यार्थीहरु सवार बस दुर्घटना हुँदा घाइते भएकाहरुमध्ये एक जनाको उपचारको क्रममा आज मृत्यु भएको छ । मृत्यु हुनेमा मृत्यु हुनेमा कालिका नगरपालिका(३ का सावित्री पोखरेलका ८ वर्षीय छोरा आरम्भ पोखरेल छन् ।
प्रतिक्रिया दिनुहोस्