राष्ट्रिय गौरवका आयोजनाप्रति प्रधानमन्त्रीको चासो, प्रगति र समस्याका विषयमा ब्रिफिङ आज

काठमाडौं, ९ मंसिर। देशका अधिकांश राष्ट्रिय गौरवका आयोजनाहरु अलपत्र परेको अवस्थामा यसप्रति प्रधानमन्त्री केपी शर्मा ओलीले चासो राखेका छन् । प्रधानमन्त्री ओलीले राष्ट्रिय गौरवका आयोजना हरुको बारेमा पछिल्लो प्रगति र समस्याका विषयमा ब्रिफिङको कार्यक्रम राखिएको प्रधानमन्त्रीको सचिवालयले जनाएको छ ।

प्रधानमन्त्री तथा मन्त्रिपरिषदको कार्यालय सिंहदरबारमा दिउँसो तीन बजे राष्ट्रिय गौरवका आयोजनाको अवस्थाका सम्बन्धमा ब्रिफिङ कार्यक्रम राखिएको प्रधानमन्त्रीको सचिवालयले जनाएको छ ।

देश विकासको मेरुडण्ड मानीएको राष्ट्रिय गौरवका आयोजनाहरुको प्रगति सन्तोषजनक छैन । धेरैजसो आयोजनाहरु समस्यामा छन् । अन्तरसरकारी समन्वय नहुँदा वा चासो नहाँदा आयोजनाहरु तोकिएको समयमा सम्पन्न हुन सकेका छैनन् । अन्योसमेत परेका छन् । यसले गर्दा लागत दिनप
तिदिन बढ््दै गएको छ ।

राष्ट्रिय गौरवका आयोजना सम्पन्न गर्ने लक्ष्यका हिसाबले सरकारको १५औं आवधिक योजना ८२ प्रतिशत असफल भएको छ । १५औं योजना २०७६र७७–२०८०र८१ भित्र १७ राष्ट्रिय गौरवका आयोजना सम्पन्न गर्ने लक्ष्य लिइएकोमा तीन आयोजना मात्र सम्पन्न भए । यो लक्ष्यको १८ प्रतिशत मात्रै हो ।

यसैलाई ध्यानमा राखेर प्रमुख महत्वका आयोजनाहरुको प्रत्यक्ष अनुगमन गर्न सकिने गरी प्रधानमन्त्री तथा मन्त्रिपरिषद् कार्यालयमा ‘एक्सन रुम’ नाम दिएर आधुनिक प्रविधियुक्त कक्ष बनाइएको छ । प्रधानमन्त्रीले यही कक्षबाट आयोजना स्थलको प्रत्यक्ष अनुगमन र प्रदेशका मुख्यमन्त्रीहरुसँग पनि प्रत्यक्ष छलफल गर्न सक्छन् ।

राष्ट्रिय गौरवका आयोजनामध्ये पश्चिम सेती र सेती नदी(६ ९एसआर(६० जलविद्युत् आयोजनाको विस्तृत परियोजना प्रतिवेदन ९डीपीआर० मस्यौदा भारतीय कम्पनी एनएचपिसी लिमिटेडले लगानी बोर्डलाई भने बुझाएको छ । काठमाडौं मेट्रो र निजगढ अन्तर्राष्ट्रिय विमानस्थलको काम नै सुरु भएको छैन ।

समस्या समाधानमा राज्य गम्भीर नदेखिँदा आयोजना म्याद थप गर्दै लम्ब्याउने काममात्र भइरहेको छ । यसले एकातर्फ आयोजनाका संरचना जीर्ण बनेका छन् भने अर्कातर्फ लागत उच्च दरमा बढिरहेको छ । देशका कार्यकारी प्रमुखले चासोका साथ लिएर राष्ट्रिय गौरवका आयोजनाको बारेमा काम थलनी गर्नु उचित हुन्छ । यसलाई औपचारिकता मात्रै नभई गम्भिरतापूर्वक कार्यान्यन गर्नुपर्छ ।