बागलुङमा पिकअप भ्यान दुर्घटना हुँदा ५ जनाको मृत्यु
काठमाडौं,२६ कात्तिक । बागलुङको जैमिनी ७ हर्देवामा पिकअप भ्यान दुर्घटना हुँदा ५ जनाको मत्यु भएको छ । सो घटनामा मुत्यु हुने सबै ५ जनाकै सनाखत भएको प्रहरीले जनाएको छ ।
जिल्ला प्रहरी कार्यालका सूचना अधिकारी प्रहरी निरीक्षक केशव थापाका अनुसार मृत्यु हुनेमा जीपका चालक बागलुङ जैमिनी–८ छिस्ती केवइका ३८ वर्षीय महेन्द्र पुन, सोही ठाउँका २० वर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षीय कुलप्रसाद श्रीष रहेका छन् ।
जैमिनी–८, छिस्तीबाट सदरमुकाम बागलुङ बजार जाँदै गरेको ग २ च ९२४७ नम्बरको पिकअप भ्यान आज बिहान दुर्घटना भएको थियो ।
उक्त भ्यानमा सवार ६ जनामध्ये ४५ वर्षीय गङ्गाबहादुर श्रीष घाइते भएको र उनलाई उद्धार गरेर उपचारका लागि धौलागिरि अस्पताल लगिएको प्रहरीले जनाएको छ । उनको शरीरका विभिन्न भागमा चोट लागेको छ ।
दुर्घटनाग्रस्त ग २ च ९२४७ नम्बरको पिकअप भ्यान सडकबाट करिब ४ सय मिटर तल खसेको छ प्रहरी जनाएको छ ।
प्रतिक्रिया दिनुहोस्