एनआरएनएको साधारणसभा सोमबार

काठमाडौं, १८ कार्तिक । राजेन्द्र कुमार ९आरके० शर्मा नेतृत्वको गैरआवासीय नेपाली संघ ९एनआरएनए० ले यही सोमबार, नोभेम्वर ४ तारिख (कात्तिक १९ गते) सोमबार साधारणसभा गर्ने जानेको छ ।

गत बिहीबार बसेको एनआरएनए अन्तर्राष्ट्रिय समन्वय समिति ९आईसीसी० को बैठकले सोमबार भर्चुअल माध्यमबाट साधारणसभा गर्ने निर्णय गरेको हो ।

साधारणसभालाई सभ्य र भव्य बनाउन उपाध्यक्ष गंगाधर गौतमको संयोजकत्वमा एक समिति समेत बनाइएको छ । समितिले सचिव तथा क्षेत्रअनुसारका पदाधिकारीलाई समेटेर कार्यक्रम व्यवस्थित गराउन काम गर्ने महासचिव बुद्धि सुवेदीले जानकारी दिए । साधारणसभामा महासचिव र कोषाध्यक्षको प्रतिवेदन पेश हुनेछ । यस्तै विधानमा केही थपघट गर्न आवश्यक भएमा त्यसमा काम गर्नका लागि महासचिव र उपमहासचिवसहितको एक टीम समेत बनाउन निर्णय बैठकले गरेको छ ।

बैठकले नेपाल सरकारका प्रतिनिधि, विभिन्न राजनीतिक दलका नेता, संघ संस्थाका प्रतिनिधिलाई समेत अतिथिको रुपमा बोलाउने निर्णय गरेको छ ।

गत कात्तिक २१ गते परराष्ट्र मन्त्रालयले एकताका लागि पूर्वअध्यक्ष शेष घलेसहितका १३ जना एनआरएन अभियन्तालाई बैठकमा बोलाएकै बेला शर्मा नेतृत्वको एनआरएनएले साधारणसभा बोलाउन लागेको हो। शर्मा नेतृत्वको समितिले आफुहरु एकताको पक्षमा रहेको बताउंदै आएको छ ।

गत वर्ष भएको महाधिवेशनबाट बद्री केसी समूहले धाँधली गरेर चुनाव आफ्नो पक्षमा पारेको शर्मा पक्षले दाबी गर्दै आएका छन् । केसीले धाँधली गरेकै कारण शर्माको नेतृत्वमा असन्तुष्ट समूहले महाधिवेशनलाई पूर्णता दिएर नयाँ कार्यसमिति बनाएको थियो ।

बिहीबारको बैठकमा अध्यक्ष शर्माले आफू नेतृत्वको समितिले गरेका कामकारबाहीबारे जानकारी गराउनुका साथै बद्री केसी पक्षले हालै गरेको साधारणसभाबारे पनि धारणा राखेका थिए । उनले केसी पक्षले प्रधानमन्त्रीलाई समेत प्रयोग गरेर साधारणसभा गरेपनि वास्तविक एनआरएनएहरुको निकै कम सहभागिता देखिएको बताए । आफूहरुले केसीको अवैध साधारणसभाविरुद्ध अदालतमा समेत रिट दायर गरेको र अहिले कारण देखाउ आदेश भएको उनको भनाइ छ । केसी पक्षले अदालतमा भएको मुद्दाका साथसाथै गत चैत २१ मा सर्वोच्चबाट भएको फैसलाविपरीत साधारणसभा गरेको उनले बताए ।

यदि एनआरएनएमा आधिकारिक कोही छ भने आफू नेतृत्वको कार्यसमिति रहेको भन्दै उनले अदालतमा विचाराधीन मुद्दा भएकाले छिट्टै न्याय पाउने विश्वास व्यक्त गरे । ‘उनले भने, ‘बद्री केसी पक्षले कुनै साधारणसभा गरेको होइन । संघको कोष दुरुपयोग गर्दै भोजभतेरका लागि बोलाइएको कार्यक्रम हो ।’

सो कार्यक्रममा प्रधानमन्त्री केपी ओलीले एकताका लागि आग्रह गरेको आफूले सुनेको उल्लेख गर्दै शर्माले यदि यो सही हो भने सकारात्मक रहेको बताए । उनले आफूहरुले सोमबार गर्ने साधारणसभामा व्यापक सहभागिता गराउनका लागि सबैलाई सक्रियतापूर्वक लाग्न पनि आग्रह गरे ।

बैठकमा उपाध्यक्ष डा केशव पौडेलले यसअघि नै साधारणसभा गर्ने तयारी भएपनि विविध कारणले केही ढिला हुन गएको बताए । उनले अब एनआरएनएको विवाद समाधान हुने बाटोतर्फ रहेको उल्लेख गर्दै आफूहरु सत्यको पक्षमा रहेकाले अवश्य पनि जित हासिल हुने विश्वास व्यक्त गरे । यस्तै अर्का उपाध्यक्ष गंगाधर गौतमले केसी पक्षले संघकै सम्पत्तिलाई चरम दुरुपयोग गरेर कार्यक्रम गरेको बताउँदै आफुहरुले त्यसको हिसाब माग्ने बताए । उनले साधारणसभा गरेर आवश्यक काजगात आधिकारिक निकाय परराष्ट्र मन्त्रालयमा बुझाउने बताए ।

कार्यक्रममा पदाधिकारीहरु सुनिल शाह, टंक गैरै, प्रमोद सिटौला, लोक दाहाल, मनोज गोर्खाली, ठाकुर ढुंगानालगायतले साधारणसभा सफल बनाउन लागिपर्ने बताए । यस्तै कार्यक्रममा सल्लाहकारहरु दुर्गा अचार्य, नारायण आचार्यलगायतले पनि धारणा राखेका थिए ।