बैंगलोरविरुद्ध नेपाली क्रिकेटर सन्दिपको डेब्यू

आइपिएलमा छनोट भएपछि सबैको चासोको पात्र बनेका प्रथम नेपाली क्रिकेटर सन्दिप लामिछानेले आज शनिबार उनको टिम दिल्ली डेयर डेभिल्सबाट डेब्यू गर्ने भएका छन्।

दिल्लीले लिगमा तीन खेल बाँकी रहँदा सन्दिपलाई डेब्यू गराएको हो । एस अघि जारी सिजनमा महंगो दर्शकका रुपमा बसिरहेका सन्दिपले विराट कोहोलीको टिम रोयल च्यालेञ्जर बैंगलोरविरुद्धको खेलमा दिल्ली डेयरडेभिल्सबाट डेब्यु गरेका हुन्।

यस सिजनमा दिल्ली प्लेअफमा पर्ने सम्भावना निकै कम छ तर आगामी खेलहरूमा फराकिलो जित हासिल गर्न सके प्लेअफमा पर्ने सम्भावना जिउदै छ ।

अहिले खेल फिरोज शाहा कोटला रंगशालामा सुरु भइरहेको छ । बैगंलोरले टस जितेर फिल्डिङ रोजी दिल्लीलाई ब्याटिङको निम्तो दिएको छ।