काठमाडौं नदी किनाराका घरहरुमा बाढी

काठमाडौं, ११ असोज । काठमाडौंका नदी किनारा आसपासका घरमा बाढी पसेको छ।

शुक्रबार दिनभरि परेको पानीले बागमती नदीछेउको तरकारी बजारमा भेल पसेको हो।

देशको पूर्वी, मध्य भू–भागसँगै काठमाडौं उपत्यकामा पनि भारी वर्षा भइरहेको छ।

काठमाडौं जिल्ला प्रशासन कार्यालयले सूचना निकालेर उपत्यकाभित्रका नदीहरूमा जलसतहले खतराको तह पार गरेको बताएको छ।

प्रशासकीय अधिकृत सन्देश अधिकारीले शुक्रबार अपराह्न निकालेको सूचनामा नदीहरूको बहाब अझै बढ्ने सम्भावना रहेको उल्लेख छ।