श्रीलंकामा भोली शनिबार राष्ट्रपतिय निर्वाचन हुँदै

काठमाडौं,४ असोज । श्रीलंकामा भोली शनिबार राष्ट्रपतिको निर्वाचन हुँदैछ । पछिल्लो सर्वेक्षण अनुसार नेशनल पिपुल्स पावरका अध्यक्ष उम्मेदवार अनुरा कुमारा दिसानायके दौडमा अगाडि छन् ।

अनुरालाई चीन समर्थक भनेर आलोचना पनि गरिन्छ । अनुराले जितेपछि अडानीको प्रोजेक्ट रद्द गर्ने वाचा गरेका छन् । उनी बाहेक अन्य तीन ठूला उम्मेदवार पनि राष्ट्रपति पदको प्रतिस्पर्धामा छन्। एक सर्वेक्षणमा विपक्षी नेता सजित प्रेमदासा दोस्रो स्थानमा रहेका छन्।

वर्तमान राष्ट्रपति रनिल विक्रमासिङ्घे उनीपछि तेस्रो स्थानमा छन्। पूर्वराष्ट्रपति महिन्दा राजापाक्षका छोरा नमल राजापाक्षे पनि यो दौडमा छन्। तर सर्वेक्षणले उनको पनि जित्ने सम्भावना अत्यन्त न्यून रहेको देखाएको छ ।

अनुरा कुमारा कोलम्बो जिल्ला सीटबाट सांसद हुन्।  उनी यस अघि सन् २०१९ को राष्ट्रपतीय निर्वाचनको पनि उम्मेद्वार थिए ।

-एजेन्सीको सहयोगमा