इतिहासमा आज

रुडोल्फ क्रिस्टोफ युकेनको जन्म सन् ५ जनवरी १८४६ मा औरिच पूर्वि फ्रिसलेण्ड जर्मनीमा भएको थियो । उनी जर्मन साहित्यकार तथा दार्शनिक थिए । जो आदर्शवादको क्षेत्रमा आफ्नो काम र आधुनिक दार्शनिक विचारकालागि परिचित थिए ।

युकेनको दर्शन अक्सर जर्मन आदर्शवादी परम्परासँग सम्बन्धित छ । विशेष गरी आध्यात्मिक र नैतिक मूल्यका विषयमा जोड दिने विचार प्रणालीको विकासमा महत्वपूर्ण योगदान र ख्याती प्राप्त व्यक्ति थिए ।

यूकेनको व्यक्तिगत अनुभव, साँचो ज्ञान, व्यक्तिको भित्री अनुभव र नैतिक विकासबाट उत्पन्न हुन्छ । उनका कार्यहरु प्रायः व्यक्ति र संसारबीचको अन्तक्र्रियामा केन्द्रित हुन्छन्, जसले व्यक्तिको आध्यात्मिक र नैतिक विकासको माध्यमबाट उच्च समझ र उद्देश्यको अझ गहिरो भावना कसरी प्राप्त गर्न सक्छन् भनेर अन्वेषण गरेका छन् ।

उहाँको सबैभन्दा उल्लेखनीय कार्यहरू मध्ये ‘आत्माको जीवन’ हो । जसमा उहाँले मानव अस्तित्वको प्रकृति र पूर्ण जीवन प्राप्त गर्न आध्यात्मिक विकासको भूमिकाको अन्वेषण गरेका छन् । युकेनलाई दर्शन र साहित्यमा गरेको योगदानको कदर गर्दै सन् १९०८ मा साहित्यतर्फको नोबेल पुरस्कार प्रदान गरिएको थियो ।
यी महान दार्शनिक तथा साहित्यकारको मृत्यु असी वर्षको उमेरमा आजैका दिन सन् १४ सेप्टेम्बर १९२६ मा भएको थियो ।