इतिहासमा आज

शेन वार्न अस्ट्रेलियन क्रिकेटर
शेन वार्न क्रिकेटको इतिहासमा सबैभन्दा महान लेग स्पिन बलर थिए । उनको जन्म सन् सेप्टेम्बर १३, १९६९ मा फन्ट्र्री गली, अस्ट्रेलियामा भएको थियो । उनी आफ्नो असाधारण सीप र अनौठो शैलीका कारण चर्चित भए । वार्नको करियर १९९२ देखि २००७ सम्म फैलिएको थियो, जसमा उनले १००० भन्दा बढी अन्तर्राष्ट्रिय विकेटहरू लिएका थिए । उनको बल अफ द सेन्चुरी जुन उनले १९९३ एशेज शृंखलाको क्रममा माइक ग्याटिङ्लाई दिए, प्रायः क्रिकेट इतिहासमा सबैभन्दा उल्लेखनीय डिलिवरीहरू मध्ये एकको रूपमा उद्धृत गरिएको छ ।

वार्न शताब्दीका पाँच क्रिकेटरहरू मध्ये एकको रूपमा नाम दिएको थियो । फेब्रुअरी २००३ मा वार्न विवादमा पनि परे जब औषधि परीक्षणले प्रतिबन्धित औषधि प्रयोग गरेको मूत्र परिक्षणबाट पत्ता लागेपछि उनी दक्षिण अफ्रिकामा भएको विश्वकपबाट बाहिरिएका थिए । त्यसपछि उनले १२ महिनाको प्रतिबन्धमा परेका थिए । मार्च २००४ मा पुनः फर्किएपछि आफ्नो पहिलो टेस्ट खेलमा, उनले ५०० औं विकेट लिएका थिए, यस्तो उपलब्धि हासिल गर्ने उनी दोस्रो बलर बने । २००३(०४ सिजनको अन्त्यमा, वार्न र श्रीलंकाका अफ(स्पिन बलर मुथैया मुरलीधरनले २००१ मा वेस्ट इन्डिजका कोर्टनी वाल्शले बनाएको टेस्ट विकेटको रेकर्ड (५१९) तोडेका थिए ।

२००७ मा वार्नले टेस्ट क्रिकेटबाट सन्यास लिए तर २०११ सम्म क्लब स्तरमा प्रतिस्पर्धा गर्न जारी राखे । उनको अन्तर्राष्ट्रिय करियरमा अभूतपूर्व ७०८ टेस्ट विकेटहरू समावेश थिए । उनको रेकर्ड मुरलीधरनले २००७ मा तोडे ।

वार्न मैदानमा र बाहिर उनको क्यारिज्म्याटिक व्यक्तित्वको लागि परिचित थिए । उनले क्रिकेट खेलमा दिगो प्रभाव छोडेर गएका छन् । व्यावसायिक क्रिकेटबाट सन्यास लिएपछि उनले कमेन्टेटर र प्रशिक्षकको रुपमा खेलकुदमा संलग्न रहे । दुर्भाग्यवश, ५२ वर्षको उमेरमा वार्नको ४ मार्च, २०२२ मा को सामुई, थाइल्याण्डमा निधन भयो ।