पोखराबाट काठमाडौं आउदै गरेको बस मर्स्याङ्दीमा खस्यो

तनहुँ, ७ भदौ । तनहुँ जिल्लाको आँबुखैरेनीस्थित ऐना पहारा नजिक भारतीय बस मर्स्याङ्दी नदीमा खसेको छ ।

पोखराबाट काठमाडौंका लागि छुटेको बसमा ४० जना यात्रु रहेको आबु खैरेनी प्रहरीले जनाएको छ ।

तनहुँ प्रहरीका प्रवक्ता डिएसपी दीपककुमार रायकाअनुसार अहिले घटनास्थलबाट उद्धारको काम भइरहेको छ । दुर्घटना के कारण भएको भन्ने बारे खुल्न भने बाँकी छ ।

घटनास्थल पृथ्वी राजमार्गको आँबुखैरेनी-मुग्लिन सडकखण्डमा पर्छ ।