काठमाडौं प्लाजादेखि उत्तरतर्फको सडकसडक भ्वाङ, आवागमन पनि रोक

काठमाडौं, २५ साउन । काठमाडौं महानगरपालिकाको नजिकको टुकुचा खोला, काठमाडौं प्लाजादेखि उत्तरतर्फको सडकसडक भ्वाङ परेको छ । सडक भासिँदा रातिदेखि आवागमन पनि रोकिएको छ । थातायातको साधन आवत जावत रोकिएको छ । महानगरको कार्यालय रहेको काठमाडौं प्लाजादेखि उत्तरतर्फको सडक भासिएको हो ।

दरबारमार्गस्थित महेन्द्र सालिकबाट कमलादीको कृष्ण पाउरोटी चोक निस्किने सडक खण्ड भासिएको हो । यो सडक एकतर्फी छ । प्रहरीले घेरा हालेर राखेका छन् भने हिजो रातिदेखि सवारी चलाउन रोक लगाइएको छ । यो बाटो सडक विभागअन्तर्गत पर्दछ । छिटो भन्दा छिटो सडक मर्मत गर्न पर्छ ।

यो सडक यसअघि पनि भासिएको थियो । त्यतिबेला अस्थायी रुपमा मर्मत गरिएको थियो । महानगरपालिकाका एक कर्मचारीका अनुसार सडक विभागले सडक बनाउन केही दिन लाग्ने जानकारी महानगरलाई गराएको छ ।

ती कर्मचारीका अनुसार सडकमा धेरै क्षति पुगेकाले अस्थायी रुपमा मर्मत गर्न नमिल्ने देखिन्छ । ‘सडकबाट हेर्दा टुकुचा खोला देखिन्छ । अब तलैबाट बेस उठाएर सडक बनाउनुपर्ने देखिन्छ’, महानगरका एक कर्मचारीले भने । यसलाई ढिलाई नगरि सडक निर्माणमा ध्यान दिनु पर्छ ।