काठमाडौंबाट रसुवाको स्याफ्रुबेसी उडेको हेलिकप्टर नुवाकोटको सूर्यचौरमा दुर्घटना

काठमाडौं, २३ साउन । नुवाकोटको शिवपुरीमा हेलिकप्टर दुर्घटना भएको छ, दुर्घटनामा ४ जनाको मृत्यु भएको छ ।

बुधबार दिउँसो हेलिकप्टर दुर्घटनामा परेको हो ।

जिल्ला प्रहरी कार्यालय नुवाकोटका डिएसपी तिलक भारतीले सूर्यचौर क्षेत्रमा हेलिकप्टर दुर्घटनामा परेको बताए।

बुधबार दिउँसो एयर डाइनेष्टीको हेलिकप्टर दुर्घटनामा परेको हो।

शिवपुरी गाउँपालिका वडा नम्बर ७ स्थित सूर्यचौर क्षेत्रमा हेलिकप्टर खसेको प्रमुख जिल्ला अधिकारी रामकृष्ण अधिकारीले पनि जानकारी दिए।

‘हेलिकप्टर खसेको र आगो लागेको जानकारी आएपछि हामी त्यसतर्फ जाँदैछौं, उनले भने, ‘प्रहरीहरू घटनास्थलमा पठाइसकिएको छ।’