पहिरो झर्दा पृथ्वी राजमार्ग अवरुद्ध

काठमाडौं, २३ साउन । चितवनको इच्छाकामना गाउँपालिका वडा नम्बर ४ मा पहिरो झर्दा पृथ्वी राजमार्ग अवरुद्ध भएको छ । नाग्दी खोला भन्ने स्थानमा ढुंगासहितको पहिरो खसेर सडक अवरुद्ध भएपश्चात पृथ्वी राजमार्ग अवरुद्ध भएको हो।

राजमार्ग प्रहरीका अनुसार दुई तर्फी नै सडक अवरुद्ध छ । सडक अवरुद्ध हुँदा सवारी साधन र तिनमा सवार यात्रुहरुबीच बाटोमै रोकिएका छन् ।

पहिरो पन्छाएर सडक खुलाउने प्रयास भइरहेको जिल्ला प्रशासन कार्यालय चितवनले जनाएको छ । यसले गर्दा यात्रूहरु बाटोमा अलपत्र परेको अवस्था छ ।

सडक खुलाउनका लागि प्रहरी निरीक्षकसहितको टोली पहिरो खसेको ठाउँमा पठाइएको र करिब १ घण्टा लाग्ने जनाइएको छ ।