त्रिभुवन अन्तर्राष्ट्रिय विमानस्थलमा उडान तथा अवतरण बन्द

काठमाडौं,९ साउन । सौर्य एयरलाइन्सको जहाज दुर्घटना भएपछि त्रिभुवन अन्तर्राष्ट्रिय विमानस्थल बन्द भएको छ । विमानस्थलबाट हुने उडान तथा अवतरण दुबै सेवा बन्द भएको हो ।

उद्धारको काम नसकिएसम्म विमानस्थल बन्द रहने भएकाले दर्जनौं उडान अवतरण प्रभावित हुन भएका छन् ।

आन्तरिक जहाजहरुलाई सम्बन्धित विमानस्थलमै रोकिएको छ भने अन्तर्राष्ट्रिय उडानहरू डाइभर्ट गरिएको बिमानस्थल स्रोतले जनाएकोछ ।