करण परियारले जिते नेपाल आइडल सिजन ५ को पहिलो उपाधि

काठमाडौं, ९ असार । गायन क्षेत्रको बहुप्रतक्षित रियालिटी शो नेपाल आइडल सिजन ५ को उपाधि बर्दियाका करण परियारले जितेका छन् । शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरु सचिन विश्वकर्मा, मोहित भुजेल र सलोमी गुरुङलाई पछि पार्दै उनी पहिलो विजेता बनेका हुन् । दर्शकको भोटको आधारमा उनी पहिलो विजेता चुनिएका हुन् ।

उपाधि जितेसँगै उनले ट्रफीसहित २५ लाख रुपैयाँ नगद र अन्य पुरस्कार प्राप्त गरेका छन् । प्रतियोगितामा पोखराकी सलोमी गुरुङ फस्ट रनरअप बनिन् । उनले ट्रफीसहित नगद १० लाख पुरस्कार प्राप्त गरिन् । यस्तै दार्जिलिङका सचिन विश्वकर्मा सेकेन्ड रनरअप बने । उनले नगद ५ लाख रुपैयाँ प्राप्त गरे ।

दार्जिलिङकै मोहित भुजेल थर्ड रनरअप भए । उनले स्कुटर पुरस्कार प्राप्त गरे । यसले गायन क्षेत्रको देशका कुना कन्तरामा रहेका प्रतिभाहरुलाई अडिशन मार्फत ल्याउने गर्दछ ।

चार महिनादेखि जारी नेपाल आइडल सिजन ५ को विजेता दर्शकको भोटको आधारमा गरिएको हो । नेपाल आइडलका निर्णायकहरु न्ह्यू बज्राचार्य, इन्दिरा जोशी र कालीप्रसाद बाँस्कोटा छन् । शोलाई रीमा विश्वकर्मा र आसिफ शाहले होस्ट गरेका थिए । यो नेपालको गायनक्षेत्रलाई नयाँ नयाँ प्रतिभाहरुलाई जन्माउने गरेको छ ।