सरकारले असार ३ गते सार्वजनिक बिदा दिए

काठमाडौं, ३२ जेष्ठ । सरकारले यही असार ३ गते सार्वजनिक बिदा दिएको छ।

गृह मन्त्रालयका प्रवक्ता नारायणप्रसाद भट्टराईले शुक्रबार विज्ञप्ति जारी गर्दै असार ३ गते सोमबार बक्र ईदका अवसरमा सार्वजनिक बिदा दिइएको उल्लेख गरेका छन्।

सरकारले इस्लाम धर्मावलम्बीहरूको पर्व बक्र ईदका अवसरमा बिदा दिने निर्णय गरेको हो।

सरकारले २०८० माघ २९ गते राजपत्रमा बक्र ईदमा सार्वजनिक बिदा दिने निर्णय प्रकाशित गरेको थियो। पर्व बक्र ईदको अवसरमा इस्लाम धर्मावलम्बीहरूलाई भव्य रुपमा मनाउन सरकारले आग्रह गरेको छ ।