रक्षक नै भक्षक, अपराध अनुसन्धान कार्यालय मिनभवनका इन्सपेक्टर १४ वर्षिय बालिकामाथि यौन दुर्व्यवहार आरोपमा पक्राउ
काठमाडौं, २४ जेष्ठ । रक्षक नै भक्षक, काठमाडौं उपत्यका अपराध अनुसन्धान कार्यालय मिनभवनका नेपाल प्रहरीका प्रहरी निरीक्षक(९इन्सपेक्टर) १४ वर्षिय बालिकामाथि यौन दुर्व्यवहार गरेको आरोपमा पक्राउ परेका छन् ।
काठमाडौं उपत्यका अपराध अनुसन्धान कार्यालय मिनभवनमा कार्यरत इन्सपेक्टर बिदुर शिवाकोटी पक्राउ परेका हुन् ।शिवाकोटीलाई १४ वर्षीया बालिकामाथि बलात्कार प्रयास गरेको आरोपमा पक्राउ गरिएको जिल्ला प्रहरी परिसर काठमाडौंका प्रमुख बसन्त रजौरेले नेपाल प्रेसलाई बताए । उनले घटनाबारे अनुसन्धान भइरहेको र दोषी पाइए कारबाही गरिने बताए ।
प्रहरी स्रोतका अनुसार बालिका शिवाकोटीको घरमा घरेलु कामदारको रुपमा काम गर्दै आइरहेकी थिइन् ।
शिवाकोटीले नै पढाइदिने भनेर सानै उमेरमा कामदारको रुपमा ल्याएर राखेका थिए ।
बालिकाले महानगरीय प्रहरी वृत्त स्वयम्भूमा शिवाकोटीले आफूमाथि बलाकार गरेको उजुरी गरेकी थिइन् ।
उजुरी लगतै प्रहरी वृत्त स्वयम्भूले शिवाकोटीलाई नियन्त्रणमा लिएको हो । शिवाकोटीमाथि अनुसन्धान गरिरहेको प्रहरीले जनाएको छ ।
प्रहरी वृत्त स्वयम्वुले काठमाडौं उपत्यका अपराध अनुसन्धान कार्यालयलाई शिवाकोटी पक्राउ परेको बारे जानकारी गराइसकेको छ । रक्षक नै भक्षक भएको छ ।
प्रतिक्रिया दिनुहोस्