सहकारी ठगि विरुद्ध कांग्रेसले विरोध प्रदर्शनको लागि उपत्यकाका १५ क्षेत्रमा प्रतिनिधि खटाए

काठमाडौं, ११ जेष्ठ । नेपाली कांग्रेसले सहकारी ठगि प्रकण र सरकारको पछिल्लो राजनीतिकगतिविधि विरुद्ध पकाठमाडौंमा आइतबार गर्ने विरोध प्रदर्शनको क्षेत्रगत तयारी गरेको छ । यसको लागिका लागि उपत्यकाका १५ क्षेत्रमा १५ नेतालाई प्रतिनिधि खटाएको छ ।

काठमाडौंका १० क्षेत्रमा अब्दुल सतार, सीता थपलिया (उर्मिला), रंगमती शाही, कुन्दन काफ्ले, नैनसिंह महर, गुरु बराल, आङ्गेलु शेर्पा, उमेशजंग रायमाझी, डा. डिला संग्रौला र सरिता प्रसाईंलाई तोकिएको छ ।

ललितपुरका ३ क्षेत्रमा उमाकान्त चौधरी, देवेन्द्रराज कँडेल र अर्जुन जोशी प्रतिनिधि बनेका छन् । भक्तपुरका २ क्षेत्रका लागि इन्द्र बानियाँ र गणेश लामा प्रतिनिधि बनेका छन् ।

पार्टीले तोकेका प्रतिनिधिले क्षेत्रगत बैठक गर्ने, प्रदर्शनको तयारी, कार्यकताई प्रशिक्षित गर्नेछन् । ‘कांग्रेस सडकमा जानु पर्नाको कारण कार्यकर्तालाई जानकारी गराएर क्षेत्रबाट बढीभन्दा साथीहरुलाई विरोध प्रदर्शन गर्ने हाम्रो कार्य हुन्छ,’ काठमाडौं क्षेत्र नम्बर ५ का प्रतिनिधि केन्द्रीय सदस्य नैनसिंह महरले भने ।

बुधबार बसेको केन्द्रीय समिति र संसदीय दलको संयुक्त बैठकले सहकारी पीडितको रकम फिर्ता, संसदीय छानबिन समितिको माग, गृहमन्त्री रवि लामिछानेको अभिव्यक्ति लगायतका मुद्दा बनाएर सडक प्रदर्शन गर्ने निर्णय गरेको थियो ।

काठमाडौंको पछि कांग्रेसले प्रदेशस्तरमा पनि विरोध प्रदर्शन गर्ने कार्यक्रम तय भएको छ । यसले गर्दा सत्तन पक्ष र प्रतिपक्षबिच समस्या तकरावको अवस्था छ ।