कांग्रेस संसदीय दल कार्यसमिति र संसदीय दलको बैठक बस्दै

काठमाडौं, ७ जेष्ठ। नेपाली कांग्रेस संसदीय दल कार्यसमिति र संसदीय दलको बैठक आज (सोमबार) बिहान बस्दै छ ।

संसदीय दल कार्यसमितिको बैठक बिहान साढे ८ बजे संघीय संसद भवनमा र संसदीय दलको बैठक बैठक संघीय संसद भवन नयाँ बानेश्वर, ल्होत्से हलमा ९ बजे बस्दैछ ।

आज बस्न लागेको संसद् बैठकमा पार्टीको भूमिकाबारे कांग्रेसले छलफल गर्न लागेको हो । आजै प्रधानमन्त्री पुष्पकमल दाहालले विश्वासको मत लिँदैछन् ।

गृहमन्त्रीसमेत रहेका रास्वपा सभापति रवि लामिछाने सहकारी ठगी प्रकरणमा जोडिएको र त्यसबारे छानबिन हुनुपर्ने कांग्रेसले माग राख्दै संसद अवरुद्ध गर्दै आएको छ । सहकारी ठगी प्रकरणमा संसदीय छानविन समिति कार्यादिशामा सहमती हुन सकेको छैन । सत्ता पक्ष र विपक्षिदलबिच आआफ्नै अडानमा छन् ।