सभामुख देवराज घिमिरेले आज शीर्ष नेताहरूसँग छलफल गर्ने
काठमाडौँ, ५ जेष्ठ । राजीतिक ध्रविकरणले संसद अवरुद्ध हुँदै आएको छ । सत्तापक्ष र विपक्षीदलको आ-आफ्नो अडानले गर्दा यस्तो अवस्थआएको हो । यसका लागि सभामुख देवराज घिमिरेले आज दलका शीर्ष नेताहरूसँग छलफल गर्ने भएका छन् । सदनमा देखिएको अवरोध खुलाउने विषयमा छलफलका लागि शीर्ष नेताहरुलाई उनले आफ्नै निवासमा बोलाएका हुन् ।
प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीलाई छलफलमा बोलाइएको हो ।
कांग्रेसले उपप्रधानमन्त्री एवम् गृहमन्त्री रवि लामिछानेमाथि सहकारी ठगी प्रकरणमा संसदीय छानबिन समिति गठन गर्नुपर्ने माग गर्दै संसद्मा अवरोध गर्दै आएको छ । कांग्रेसकै अवरोधका कारण बिहीबारको बैठक कार्यसूचीमा प्रवेश गर्न सकेन भने शुक्रबारका लागि बोलाइएको बैठक बस्दै नबसी स्थगित भएको थियो । यदि आजको बैठकमा सहमती भएमा संसदको गतिरोध अन्त्य हुने छ ।
प्रतिक्रिया दिनुहोस्