कांग्रेस संसदीय दलको बैठक सिंहदरबारमा सुरु

काठमाडौं, १ जेष्ठ। कांग्रेस संसदीय दलको कार्यालय सिंहदरबारमा संसदीय दलको बैठक सुरु भएको छ । सरकारले आज संसदमा पेश गर्ने नीति तथा कार्यक्रमा कसरी प्रस्तुत हुने, गतिरोधका विषयमा बैठक केन्द्रित भएको छ ।

संसदमा सिर्जना भएको घटनाक्रमबारे थप छलफल गर्नका लागि बैठक बोलाइएको कांग्रेसले जनाएको छ ।

कांग्रेसले सहकारी ठगीमा गृहमन्त्री रवि लामिछानेको संलग्नताबारे संसदीय छानबिन समिति गठन गर्नुपर्ने माग गर्दै आएको छ । सरकार समिति गठन गर्न तयार नभएपछि संसद प्रभावकारी रुपमा सञ्चालन हुन पाएको छैन ।सोमबार दिउँसो तय भएको बैठक स्थगित भएको थियो । आज बिहान प्रधानमन्त्री निवास वालुवाटारमा भएको बैठकलृ पनि खासै निष्कर्ष आएको छैन ।