वेस्ट इन्डिज ‘ए’ विरुद्ध नेपालले पहिलो सफलता

काठमाडौं, २२ बैशाख । मैत्रीपूर्ण टी–२० शृङ्खला अन्तर्गत अन्तिम खेलमा वेस्ट इन्डिज ‘ए’ विरुद्ध नेपालले पहिलो सफलता हात पारेको छ । सागर ढकालले ११ रन बनाएका काडिम एलेनलाई आउट गरेका हुन् । कप्तान रोहित पौडेलले सानदार क्याच लिए ।

खेलमा वेस्ट इन्डिजले टस जितेर पहिले ब्याटिङ गर्ने निर्णय गरेको थियो । टोलीले १।४ ओभरमा १ विकेटको क्षतिमा २१ रन बनाएको छ ।

वेस्ट इन्डिजले ३–१ ले शृङख्ला आफ्नो पक्षमा पारिसकेको छ । पहिलो खेल नेपालले ४ विकेटले जितेको थियो । त्यसपछि भने नेपालले लगातार तीन खेल गुमाउन पुग्यो ।

दोस्रो खेलमा १० रनले हारेको नेपालमा तेस्रो खेल ७६ रनले पराजित भयो । चौथो खेलमा घरेलु टोली २८ रनले स्तब्ध बन्न पुग्यो ।