सिमसिमे पानी, अझै दुई/तीन दिन मौसम सफा नहुने सम्भावना

काठमाडौं, १५ चैत । केहि दिनदेखि मौसम धुमलीएको छ । सिमसिमे पानी परि राखेको छ । देशैभर अझै दुई/तीन दिन मौसम सफा नहुने सम्भावना रहेको जल तथा मौसम विज्ञान विभागले जनाएको छ । पूर्वी नेपाल तथा मध्यभागका धेरैजसो भागमा पानी परे पनि पश्चिम नेपालमा बादल मात्र लाग्ने पूर्वानुमान छ ।

मौसमविद् शान्ति कँडेलका अनुसार आगामी दुई÷तीन दिनसम्म देशैभर नै मौसम सफा हुने संभावन छैन । अहिले नेपालमा पश्चिमी र स्थानीय वायुको प्रभाव छ । अरब सागरबाट जलवाष्पयुक्त हावा नेपालसम्म आइपुगेकाले बादल लाग्ने र पानी पर्ने क्रम जारी छ । अहिले पनि देशभर आंशिकदेखि साधारणतया बदली छ । कोशी, बागमती र गण्डकी प्रदेशका पहाडी भूभागका थोरै स्थानहरुमा हल्का वर्षा समेत भइरहेको छ ।

गए राति पनि काठमाडौं उपत्यकासहित गण्डकी, बागमती, मधेश र कोशी प्रदेशमा वर्षा भएको छ ।

कोशी, बागमती र गण्डकीमा एकरदुई दिनदेखि नै वर्षाको गतिविधि बढिरहेको बताउँदै मौसमविद् कँडेलले काठमाडौं उपत्यकामा आज राम्रोसँग घाम नलाग्ने बताइन् । ‘काठमाडौंमा आज पनि राम्रोसँग घाम लाग्दैन । पानी पर्ने, रोकिने, फेरि पानी पर्ने क्रम जारी रहन्छ’, उनले भनिन् ।

चैतको महिनामा सामान्यतया बिहानैदेखि दिउँसोसम्म चर्को घाम लाग्ने, साँझपख हावाहुरी चल्ने र चट्याङ सहित असिना पानी पर्ने गर्छ । तर अहिले माघेझरी जस्तो मौसम देख्दा आफूलाई अनौठो भएको छ ।
‘अहिले राति(राति पानी परिरहेको छ । यस्तो त मनसुनको बेलामा हुन्छ, दिनभरी माघेझरी जस्तो पनि देखिन्छ, मलाई अनौठो लागिरहेको छ’ मौसमविद् पोखरेलले भने ।

मेडिटेरियन रिजनबाट नेपालसम्म आउने प्रणाली एक÷दुई दिनसम्म बसेर जानुपर्नेमा अहिले लामो समयसम्म कायम छ । यसलाई विस्थापित गर्ने अर्को प्रणाली तत्काल आउने सम्भावना नदेखिएकाले आगामी शनिबारसम्मै आकाश राम्रोसँग नउघ्रिने मौसमविद् पोखरेलले बताए ।

जल तथा मौसम विज्ञान विभागको मौसम पूर्वानुमान महाशाखाले जारी गरेको बुलेटिनमा पनि शनिबारसम्म बदली र वर्षाको प्रक्षेपण छ ।

बुलेटिनमा लेखिएअनुसार आज कोशी, बागमती र गण्डकी प्रदेशका पहाडी भूभागका केही स्थानहरूमा मेघ गर्जनरचट्याङ्ग सहित हल्कादेखि मध्यम वर्षाको सम्भावना छ । कर्णाली र सुदूरपश्चिम प्रदेशका उच्च पहाडी तथा हिमाली भू(भागका एक(दुई स्थानमा भने हल्का हिमपातको सम्भावना छ ।

आगामी २४ घण्टाका लागि परामर्श दिंदै महाशाखाका अनुसार पानी परेका क्षेत्रमा दैनिक जनजीवन लगायत कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकाले आवश्यक सतर्कता अपनाउनुहुन अनुरोध छ । आजदेखि माध्यमिक शिक्षा परीक्षा ९एसईई० आजदेखि सुरु भएको छ । पानी पर्दा विद्यार्थीलाई पनि आवत जावत गर्न कठिन भएको छ । विदाथीृहरु पनि अस्तव्यस्त देखिन्छ ।