मन्त्रिपरिषद् विस्तार गर्दै प्रधानमन्त्री प्रचण्ड
काठमाडौं, २७ फागुन। नयाँ गठबन्धन पछि प्रधानमन्त्री पुष्पकमल दाहाल प्रचण्डले आज तेस्रोपटक मन्त्रिपरिषद् विस्तार गर्दै छन् ।
प्रधानमन्त्री प्रचण्डले जनता समाजवादी पार्टी (जसपा)ंलाई समेटेर मन्त्रिपरिषद् विस्तार गर्न लागेका हुन् । जसपा पार्टी अध्यक्ष उपेन्द्र यादवको नेतृत्वमा सरकारमा सहभागी हुँदै छ । यादवले उपप्रधानमन्त्री तथा स्वास्थ्यमन्त्री सम्हाल्ने छन् । जसपाका अर्का नेता नवलकिशोर साहलाई वन तथा वातावरण मन्त्रालयको जिम्मेवारी दिने तयारी छ । जसपाकै दीपक कार्की स्वास्थ्य राज्यमन्त्री हुनेछन् । उनीहरुले आज शपथ ग्रहण गर्ने भनिए पनि समय भने निश्चित भइसकेको छैन ।
यसअघि नै नेकपा एमाले, माओवादी केन्द्र, राष्ट्रिय स्वतन्त्र पार्टी (रास्वपा) र एकीकृत समाजवादी सरकारमा सहभागी भइसकेका छन् ।
जसपालाई पनि समेटेपछि प्रधानमन्त्री प्रचण्डले संसदबाट विश्वासको मत लिने छन् । उनले फागुन ३० गते विश्वासको मत लिने तयारी छ ।
प्रतिक्रिया दिनुहोस्